मुंबईः करोनाच्या संकटात अहोरात्र झटणाऱ्या पोलिसांमध्ये या विषाणूचा संसर्ग झपाट्याने होत आहे. मात्र, असे असतानाच पोलिस खात्यातील सहा कर्मचाऱ्यांविरुद्ध गुन्हा दाखल झाल्याचं वृत्त आहे. सहा कर्मचारी ड्युटीवर येत नसल्याचा ठपका ठेवत यांच्यावर कारवाई करण्यात आली आहे. () बोरिवली पोलीस ठाण्यात कर्तव्यावर असलेल्या सहा पोलिस कॉन्स्टेबल मागील दोन महिन्यांपासून गैरहजर आहेत. याप्रकरणी या कर्मचाऱ्यांना वेळोवेळी नोटिसही बजावण्यात आली होती. अनेकदा नोटिश धाडूनही कर्तव्यावर हजर झाले नाहीत. त्यामुळं पोलीस प्रशासानानं त्यांच्यावर कारवाई केली आहे. पोलीस कायदा व आपत्ती व्यवस्थापन कायद्यातंर्गंत गुन्हे दाखल केले आहेत. मुंबईत करोनाचा कहर वाढत चालला आहे. जारात गर्दी करणे, विनाकारण घराबाहेर पडणे, सुरक्षित वावरचा विसर असे प्रकार सर्वच ठिकाणी घडत आहेत. नियम मोडणाऱ्यांवर कारवाईचे काम मात्र पोलिसांना करावे लागत आहे. यासगळ्याचा ताण पोलिसांवर आहे. अशात कामावर गैरहजर राहिल्यानं पोलिसांवर भार अधिक वाढत आहे. त्यामुळंच ही कारवाई करण्यात आल्याचं सांगण्यात येत आहे. वाचाः दलातही करोनानं थैमान घातलं आहे. आत्तापर्यंत एकूण करोनाग्रस्त पोलिस कर्मचाऱ्यांची संख्या १ हजार ०९७ झाली असून ५९ जणांना करोनामुळं प्राण गमवावे लागला आहे. करोनाचा संसर्ग झालेल्या पोलिसांमध्ये १२२ अधिकारी असून आत्तापर्यंत ३ अधिकाऱ्यांचा मृत्यू झाला आहे. दरम्यान, करोनामुळं मृत्यू झालेल्या पोलिसांच्या परिवाराला सरकारकडून आर्थिक मदत देण्यात येणार आहे. तसंच. पोलिसांच्या कुटुंबीयांना संबंधित पोलिस अधिकारी किंवा कर्मचाऱ्यांच्या सेवानिवृत्तीच्या तारखेपर्यंत सरकारी निवासस्थानात वास्तव्य करता येणार आहे. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3dPg7dI
via IFTTT
No comments:
Post a Comment