महापालिकेतील राष्ट्रवादी काँग्रेसचे विद्यमान नगरसेवक यांचे करोनामुळे निधन झाले आहे. ते ५४ वर्षांचे होते. भोसरीतील खासगी रुग्णालयात त्यांच्यावर उपचार सुरू होते. उपचारादरम्यान आज पहाटे त्यांची प्राणज्योत मालवली. साने यांच्या निधनामुळं राष्ट्रवादीला धक्का बसला आहे. (NCP Corporator from dies due to Covid 19) लॉकडाऊनच्या काळात गरजूंना मदत करण्यासाठी व प्रशासनाला सहकार्य करण्यासाठी दत्ता साने हे सातत्यानं कार्यरत होते. याच दरम्यान त्यांना करोनाची लागण झाली होती. करोनाची चाचणी पॉझिटिव्ह आल्यानंतर २५ जून रोजी साने यांना तातडीनं रुग्णालयात दाखल करण्यात आलं. त्यांना श्वास घेण्याचाही त्रास होत होता. तिथं गेले अनेक दिवस त्यांच्यावर उपचार सुरू होते. मात्र, उपचारांना यश आलं नाही. त्यांनी आज पहाटे अखेरचा श्वास घेतला. साने यांनी पिंपरी-चिंचवड महापालिकेत विरोधी पक्षनेते पदही भूषवले होते. मुंबई, ठाणे व पुण्यानंतर पिंपरी-चिंचवड शहर देखील करोनाचे हॉटस्पॉट बनले आहे. येथील करोना रुग्णांची संख्या दिवसागणिक वाढतच आहे. महापालिका कार्यालयातही करोनानं शिरकाव केला असून येथील ३० कर्मचाऱ्यांना करोनाची लागण झाली आहे. लोकसंपर्क ठरतोय संसर्गाचा मार्ग लॉकडाऊनमुळं गेल्या तीन महिन्यांपासून हातावर पोट असलेल्या अनेकांना अडचणींचा सामना करावा लागत होता. लॉकडाऊन शिथिल झाल्यामुळं काही प्रमाणात गरिबांना दिलासा मिळाला असला तरी अनेकांची कामं अजूनही सुरू झालेली नाहीत. त्यांना आधार देण्यासाठी अनेक पक्षांचे नेते व कार्यकर्ते प्रयत्नशील आहेत. गरजूंना अन्नवाटप केले जात आहे. याशिवाय, परिस्थितीवर नियंत्रण ठेवण्यासाठी पोलिसांशी संपर्क ठेवावा लागत आहे. अनेकांशी होत असलेल्या अशा संपर्कातून लोकप्रतिनिधींना संसर्ग होण्याची भीती वाढली आहे. आतापर्यंत अनेकांना करोनाची लागण झाली आहे. महाविकास आघाडी सरकारमधील अनेक नेते व कार्यकर्त्यांना आतापर्यंत करोनाची लागण झाली आहे. त्यातील काही जणांनी करोनावर यशस्वीरित्या मातही केली आहे. गृहनिर्माण मंत्री जितेंद्र आव्हाड, सामाजिक न्यायमंत्री धनंजय मुंडे, सार्वजनिक बांधकाम मंत्री अशोक चव्हाण हे करोनावर मात करून घरी परतले आहेत. तर, भाजपचे माजी आमदार हरिभाऊ जावळे यांचं निधन झालं आहे. राज्यात याआधी काही नगरसेवकांचा करोनामुळं मृत्यू झाला आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/2BZqMVX
via IFTTT
No comments:
Post a Comment