मुंबई: यांनी गैरव्यवहार केल्यास विरोधी पक्षनेते यांच्या पदाचा गैरव्यवहार होतो का?, अशा शब्दांत भाजपचे ज्येष्ठ नेते यांनी फडणवीसांवर टीका केली होती. त्याला अमृता फडणवीस यांनी प्रत्युत्तर दिलं असून खडसेंना टोलाही लगावला आहे. अमृता फडणवीस यांनी ट्विट करून एकनाथ खडसे यांना प्रत्युत्तर दिलं आहे. तुम्ही खात्री बाळगा एकनाथ खडसेजी, तुमच्या जीवनातून खूप काही शिकल्यामुळे मी अशी चूक करणार नाही. सर्वांचे भले होवो, असा टोला अमृता फडणवीस यांनी खडसे यांना लगावला आहे. काय म्हणाले होते खडसे गेल्या काही दिवसांपासून खडसे यांनी पुन्हा एकदा फडणवीसांवर टीका करण्यास सुरुवात केली आहे. एमआयडीसीची कथित जमीन माझ्या बायको आणि जावयाने घेतली, मी मंत्री असताना माझ्या कुटुंबाने व्यवहार करायचे नाहीत का? समजा अमृता फडणवीस यांनी एखादा व्यवहार केला, तर तो काय देवेंद्र फडणवीस यांनी केलेला पदाचा गैरवापर होतो का?, असा सवाल खडसे यांनी केला होता. त्याला अमृता फडणवीस यांनी हे उत्तर दिलं आहे. फडणवीस यांना बिहार विधानसभेच्या निवडणुकीची जबाबदारी सोपवण्यात आली आहे. त्यांना माझ्या शुभेच्छा आहेतच. बिहारमध्ये नितीश कुमार आणि भाजपात युती आहे. त्यामुळे आमचे सरकार येईल, अशी आशा करतो. पण देवेंद्र फडणवीस यांच्याकडून एकच अपेक्षा करतो, त्यांनी महाराष्ट्रात जे राजकारण खेळले, याचे तिकीट कापायचे, त्याचे तिकीट कापायचे, याला पाडण्यासाठी प्रयत्न करायचे, त्याला पाडण्यासाठी प्रयत्न करायचे, असे तिथे होऊ नये, अशा शब्दांत खडसे यांनी फडणवीस यांना चिमटा काढला होता. तर, 'माझ्यात फार संयम आहे. घरची धुणी मी रस्त्यावर कधीच धूत नाही', अशा शब्दांत फडणवीस यांनी त्यांना प्रत्युत्तर दिलं होतं. 'एकनाथ खडसे हे आमचे ज्येष्ठ नेते आहेत. त्यामुळे मी त्यांच्यावर टीका वा टिपण्णी करणार नाही. पण ज्या मनीष भंगाळे बाबत ते सातत्याने सांगत आहेत त्यात काहीच तथ्य नाही. भंगाळे प्रकरणात खडसेंना राजीनामा द्यावा लागलेला नाही. उलट भंगाळेने आरोप लावल्यानंतर एडीजी एटीएसची कमिटी बनवून मी १२ तासांत रिपोर्ट द्यायला लावला. १२ तासांतच खडसेंना क्लीन चिट मिळाली आणि भंगाळेला उचलून जेलमध्ये टाकलं गेलं. त्यानंतर कित्येक दिवस तो जेलमध्ये होता, असे फडणवीस यांनी स्पष्ट केले. खडसे यांनी ड्राय क्लीनरचा उल्लेख करत फडणवीसांवर निशाणा साधला होता त्यावरूनही फडणवीस यांनी टोला हाणला. भंगाळेच्या प्रकरणात मिळालेल्या क्लीन चिट मिळूनही ते लॉन्ड्रीतली किंवा ड्राय क्लीनिंगची क्लीन चिट म्हणत असतील तर काय बोलावं, असं फडणवीस म्हणाले.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/32osPgQ
via IFTTT
No comments:
Post a Comment